Пејачката Теодора Џехверовиќ се подготвува да се омажи за кошаркарот Матиц Ребец, дознава „Информер“.
Теодора Џехверовиќ по долго размислување решила да му даде уште една шанса на Словенецот, а извор близок до парот наведува дека тие се целосно сигурни во својата љубов, и дека се подготвени да се венчаат и да ја подигнат врската на повисоко ниво.
„Теодора и Матиц одлучија повеќе да не се кријат и сакаат сите да знаат колку се заљубени и среќни по нивното помирување кое го официјализираа со заедничка фотографија на нејзиниот роденден. Кога претходно беа во врска, поради многубројните злонамерни коментари ја држеа својата интимност, но сега нема потреба од тоа. Цврсто веруваат во својата љубов и затоа почнале да ја планираат својата венчавка. И двајцата се млади и успешни во своите професии, па затоа заедничкиот живот и бракот се сосема логични чекори“, изјавил извор близок на парот.
Иако популарната Џехва се фокусираше на кариерата, таа е сигурна дека Ребец е мажот на нејзиниот живот и не се сомнева дали одлуката да се омажи за него е правилна.
„Таа е исклучително амбициозна и никогаш не криела колку ѝ значи кариерата. Сепак, како и секоја девојка, така и таа сонува за идеален партнер и семејство. Нејзиниот брат Сава и снаата Адријана се во среќен и хармоничен брак, а Теодора би сакала да го следи нивниот пример за кој во неколку наврати зборувала. Таа е исклучително блиска со нејзината внука Доротеа и би сакала таа и Матиќ што побрзо да добијат дете“.
Изворот вели дека парот сака што побрзо да ја круниса својата љубов и планира свадба од бајките.
„Плановите за свадба се уште ги држат во тајност, но прашање на време е кога ќе им ги соопштат на семејствата. Најважно им е љубовта да цвета и сè да е во совршен ред меѓу нив, меѓутоа сакаат и нивната свадба да биде за паметење. Теодора е перфекционист и сигурен сум дека сè ќе биде баснословно и луксузно, почнувајќи од венчаницата, преку ресторанот, па сè до храната, пијалоците… Сè уште размислуваат каде ќе се одржи венчавката, но можно е да имаат две, бидејќи Теодора е од Србија, а Матиц е од Словенија. Тие дефинитивно ќе испланираат сè до совршенство“, вели извор за Информер.
