Меѓу Шако Полумента и неговите колеги Емир Брунчевиќ и Јасна Шќепановиќ се разви вистински јавен конфликт што деновиве ја тресе регионалната сцена.
Сè започна кога пејачот Емир Брунчевиќ во гостувањето кај Огнен Амиџиќ во емисијата „Амиџи шоу“ изјави дека Полумента не се појавил на снимањето на спотот за нивниот заеднички дует, иако претходно било сè договорено. Како што тврди, Шако му се извинил дека е болен, но подоцна дознал дека тој сепак уживал на плажа.
По неговата изјава, поддршка му пружи пејачката Јасна Шќепановиќ, која во шеговит тон напиша коментар: „Не така, Емире, пак ќе каже Шако Полумента дека сакаме да се прославиме преку неговото име“.
Но, Полумента не остана должен. На социјалните мрежи упати навреди кон Јасна, нарекувајќи ја „баба“ и тврдејќи дека „никогаш не слушнал за неа“.
Во своето обраќање тој целосно ги демантираше тврдењата на Брунчевиќ, додавајќи дека му помогнал на почетокот на кариерата и дека го одбил дуетот затоа што „песната не ја чувствувал емотивно“.
„Јас сум гигант за него и имам право да не прифатам нешто што не одговара на мојата визија“, изјави Полумента, додавајќи дека Брунчевиќ се однесол „непрофесионално“ и дека „само од песната ‘Син порока’ заработил пари колку за еден стан“.
