Пејачката Сека Алексиќ остро реагираше на инцидентот што се случи на концертот на Ана Бекута во Чачак, кога за време на настапот по повод православната Нова година, дел од присутните ја гаѓаа пејачката со снежни топки.
Сека, која истата вечер настапуваше во еден белградски локал, пред својот концерт изјави дека е шокирана од информацијата и дека никогаш досега не слушнала вакво нешто да му се случи на некој колега.
„Навистина? Зошто? Од која причина? На плоштад? Ана има таков репертоар што може да ја слушаат сите. Таа секогаш се однесува достоинствено и во целата своја кариера нема ниедна дамка од ваков тип. Навистина не гледам причина за вакво однесување“, изјави Алексиќ.
Таа додаде дека ѝ е исклучително жал за колешката и нагласи дека Ана Бекута е пред сè добар човек.
„Не сум слушнала некој друг да го доживее ова. Многу ми е жал, таа е навистина добар човек“, порача Сека.
За време на инцидентот, видно вознемирената Ана Бекута се обратила до публиката и побарала реакција од надлежните служби, по што концертот бил прекинат. Настанот предизвика бурни реакции во јавноста и бројни осуди од колеги и граѓани, кои застанаа во одбрана на пејачката чија кариера трае повеќе од четири децении.
