Белгиската пејачка Никол Џоси од популарното дуо Nicole & Hugo почина на 77-годишна возраст.
Никол паднала по скалите во својата куќа, а повредите и биле претешки и починала, пишува Net.hr.
Многумина ја паметат од Евросонг на кој настапи и Здравко Чолиќ со песната „Гори ватра“. Џоси на сцената се појави како дел од дуото Nicole & Hugo, а песната „Baby, baby“ ја изведоа во ефектни виолетови костими.
Таа и Хуго се запознале во 1970 година, а се венчале во декември 1971 година. Тоа беше почеток на успешно партнерство, како во приватниот живот, така и на сцената, објави Net.hr.
Таа се борела и со ракот и Алцхајмеровата болест.
