Поранешниот српски фудбалер Душко Тошиќ ги однесе наследничките Атина и Ника во Мадрид, а тие преку своите профили на Инстаграм споделија фотографии од шпанската престолнина.
Душко Тошиќ цело лето го поминува со ќерките Атина и Ника, кои ги доби во бракот со регионалната музичка ѕвезда Јелена Карлеуша, а по десетдневниот одмор во Бодрум, Турција, поранешниот фудбалер ги однесе своите миленички во една од најубавите европски метрополи.
Имено, Тошиќ сподели фотографија преку својот инстаграм-профил и во таа прилика покажа дека моментално ужива во Мадрид.
Неколку часа подоцна, истото го направи и неговата постара наследничка Атина, која ја покажа импресивната архитектура на шпанската престолнина исто како и нејзиниот славен татко.
Да потсетиме, Јелена Карлеуша неодамна во ексклузивно интервју за „Информер“ проговори за деталите од разводот со Душко Тошиќ, како и за поделбата на имотот, за која многу се шпекулира.
– На Душко повеќе немам што да му забележувам, не размислувам за него. Жал ми е што не можеше да следи жена како мене, што не беше доволно силен и психички и емоционално. Јас сум, сепак, жена за која е неопходно да има голема храброст, големо срце и сериозно висок коефициент на интелигенција за да биде разбрана и сакана на вистински начин. Да се сака и да се разбере вонземјанин е тешко. Проблемот е да се живее со некој кому постојано морам да му објаснувам дека јавното мислење не треба да биде она што мојот партнер го мисли за мене.
– За мене тоа е примитивизам. Сè што имаме јас и Душко е на нашите деца, на нашите ќерки. За кој друг би било. Луѓето зборуваа секакви работи, дури и дека не треба да се разведуваме поради имотот, дека некој не треба да се разведува од некого поради вили и куќи. Сè оди кај децата, а тоа им го препорачувам на сите жени.
