Поминаа педесет години откако светот ја виде премиерата на романтичниот филм „Љубовна приказна“, па по тој повод главните протагонисти Рајан О’Нил и Али Мекгроу, се сретнаа и се потсетија на тоа време.
– Брзо поминаа 50 години. Толку не сум бил во врска со ниту една поранешна сопруга – се пошегува Рајан.
Филмот ја раскажува приказната за момче и девојка, кои потекнуваат од различни општествени класи и се вљубуваат, но нивната љубов на крај завршува трагично. Ерик Сигал, кој ја напиша истоимената книга за двајцата студенти од Весли колеџот, се потпиша и како режисер на филмот.
– Плачев како луда – изјави Али за моментот кога го читала сценариото, додека Рајан се потсети дека на по првата пробна сцена, му се пофалил на еден пријател дека бакнежот со Али бил толку страстен, што е сигурен дека ја добил улогата, за подоцна пријателот да му открие дека Али така ги бакнувала сите.
Сепак, хемијата меѓу главните актери во филмот беше толку голема, што таа е една од причините поради која тој опстана 50 години како најдобар љубовен филм. Иако не очекувале од студиото „Парамаунт“, филмот по седумте номинации за Оскар и заработка од 130 милиони долари, ги спаси од пропаст.
