По цели 15 години желба и идеи што тлееле уште од почетоците на нивната љубов, актерот Иван Босиљчиќ и пејачката Јелена Томашевиќ конечно решија да ги спојат уметностите – и гласовите – на една сцена и да одржат заеднички концерт. Возбудата поради овој проект не ја криеја, истакнувајќи дека свесно влегуваат во нешто што носи и голема одговорност.
„Ова е голем предизвик за нас, но и огромна радост. Прекрасно е да се дели сцена со уметник како Иван. Тој подеднакво мајсторски зборува стихови и пее, а најмногу ја сакам таа поврзаност – додека тој рецитира, јас почнувам да пеам. Токму тоа го прави овој концерт посебен и единствен“, изјави Јелена.
Иван открива дека идејата за заеднички настап постоела уште од самиот почеток на нивната врска:
„Уште кога почнавме да се забавуваме, веднаш се роди таа идеја. Очигледно, сега дојде моментот за нејзино остварување. Веќе 15 години навистина… Пријателите, семејството и колегите постојано нè прашуваат кога ќе се случи ваков момент. И двајцата ја сакаме музиката – таа нè поврзува и го зацврстува нашиот брак“, рече тој низ смеа.
Јелена додава дека долго време биле на ставот да не го мешаат приватното со професионалното, но признава дека животот често знае да ги промени плановите: „Никогаш не вели никогаш“.
