Првиот солистички концерт на популарната пејачка Николија Јовановиќ, кој беше најавен за 29 август, е откажан, како и настапот на пејачот Адил Максутовиќ, закажан за 5 септември.
Организаторите преку својата партнерска фирма задолжена за продажба на карти соопштија дека сите концерти на стадионот „Ташмајдан“ за оваа година се одложуваат до понатамошно известување.
„Важно објавување! Се одложуваат сите концерти на ‘Ташмајдан’ закажани за 2025 година. Поради поставување на тревнат терен, со што настанаа технички неможности за реализација, сите концерти ќе бидат одложени. Новите термини ќе бидат навреме соопштени, а публиката ќе има можност да ужива следната сезона. Ви благодариме на разбирањето и поддршката“, стои во соопштението.
Пејачката, која со нетрпение го очекуваше својот прв голем настап, видно вознемирена ја сподели објавата на организаторите и накратко порача: „Додека се соберам… ќе оставам само овој репост денес“, придружено со емотикон со солзи.
