Луна Ѓогани била итно оперирана пред две недели, а дури сега откри што точно се случило.
Имено, Луна била оперирана пред еден месец, но јавноста дотогаш ништо не знаела.
„Не сакам да споделувам некои работи, но еве сега ќе раскажам. Пред околу еден месец, нешто ми се промени на лузната од царскиот рез и почна силно да ме боли. Буквално се случи преку ноќ, не можев да функционирам – ни со децата, ни дома, не можев да се наведнам, да седнам, да легнам – почна Луна, па продолжи:
„Прво отидов кај гинеколог, кој ме упати кај хирургот кај кого бев и кога имав тумор на дојка. Тој тогаш направи сѐ што можеше и е одличен доктор. Му објаснив што се случува, дека не можам нормално да функционирам, па ми направи ултразвук. Мислев дека е хернија, така изгледаше – како некоја израсток над резот на стомакот“.
„Ми направија ултразвук и ми открија ендометриоза на матката. Со хирургот решивме дека мора да се оперира и така и направивме. Пред две недели, во среда, бев оперирана – отидов наутро, ме оперираа, останав една ноќ и следното утро се вратив дома. Не ми беше пријатно што мораа да го отворат делот од резот, но преку него го извадија тоа нешто. На контрола ќе дознаам точно дали била ендометриоза или нешто друго, бидејќи и тоа беше можно“, изјави таа.
Луна призна дека Марко многу ѝ помогнал, како и нејзините родители.
„Седум дена не можев добро да се движам, но откако ми ги извадија конците, се почувствував како да сум оживеала. Сѐ уште имам болки, но на ултразвук ќе се види дали сѐ е во ред. Немав потреба да зборувам за ова, не сакам да се жалам, ниту пак луѓето да знаат премногу. Секогаш има и полоши случаи, затоа е важно на време да се оди на преглед и да се проверува телото“, рече таа во влогот на Јутјуб-каналот што го имаат со нејзиниот сопруг.
Инаку, Луна Ѓогани и Марко Милковиќ се родители на две ќерки, а поранешната ријалити учесничка еднаш зборуваше и за можноста да посвои дете.
