Николија Јовановиќ и Реља Поповиќ со години важат за еден од најстабилните и најпопуларни парови на балканската сцена. Иако се постојано под лупа на јавноста, нивниот однос останува силен, интимен и исполнет со љубов.
Неодамна предизвикаа вистинска бура на социјалните мрежи со новата песна и провокативниот спот. Додека едни ги критикуваа еротските сцени, други ги фалеа што по толку години сè уште ја негуваат страста.
Реља и Николија се запознале млади, уште додека тој беше дел од групата „Елитни одреди“. Заедно ја снимија песната „Алкохола литар“, по што се раѓа и нивната врска. Иако внимателни со медиумите, понекогаш откриваат детали од љубовната приказна која денес ја надополнуваат нивните две ќерки – Реа и Хана.
Реља вели дека уште на почетокот почувствувал нешто посебно, а низ годините научиле како да градат доверба, пријателство и семејство. Николија, пак, се сеќава на романтичен момент од првото излегување, кога спонтано запеале стихови еден на друг.
Интересна е и нивната приказна за „трка со коли“ низ градот – тој ја бркал, таа бегала – сцена како од романтична комедија. Првиот бакнеж се случил некаде „погоре од Врачар“, каде денес живеат со ќерките.
Иако не се формално венчани, велат дека тоа не ја менува длабочината на нивната врска. Тие веруваат дека тајната на среќата е во заедничките вредности, искрената комуникација и љубовта.
„Кога има љубов, сè друго е полесно“, вели Николија.
