Свадбениот бакнеж на принцезата Дајана и принцот Чарлс на балконот на Бакингемската палата е најпознатиот и најнезаборавниот во британската историја.
Истражувањето спроведено во Велика Британија откри дека бакнежот од 1981 година сè уште е врежан во мислите на нацијата. Кејт Мидлон и принцот Вилијам ја рекреираа истата сцена во 2011 година на балконот, како и принцот Хари и Меган Маркл пред капелата на Свети Џорџ минатата година.
Во истражувањето што го организираше каналот History, луѓето ги рангирале бакнежите за кои мислат дека се незаборавни. Вкупно 40 проценти од испитаниците рекле дека нежниот бакнеж на Дајана и Чарлс за нив е на самиот врв и дека никогаш нема да го заборават.
Бакнежот на принцот Вилијам и Кејт Мидлон што се случи 30 години подоцна, доби 24% од гласовите и е на второто место. Нивната венчавка го собори Гинисовиот рекорд по бројот на луѓето што го следеле.
Дотогаш најмногу луѓе биле присутни на погребот на Мајкл Џексон.
Третото место на листата на најзапомнетите го зазема бакнежот на Меган Маркл и принцот Хари.
