Иако со децении важи за една од најголемите музички ѕвезди на Балканот, Здравко Чолиќ и понатаму е познат по својата скромност и едноставен начин на живот.
За тоа каков бил како гостин во ресторан неодамна проговори готвачката и блогерка Сандра, која работела во познат белградски ресторан со домашна кујна што Чолиќ со години редовно го посетувал.
„Беше наш редовен гостин и пред сè човек од народот – секогаш ведар, насмеан и пристапен. Секогаш кога ќе дојдеше, најпрво навраќаше во кујната за да нè поздрави и да нè почести“, раскажала таа.
Според неа, пејачот никогаш не барал ексклузивни јадења, туку најчесто избирал традиционални специјалитети од домашната кујна.
„Секогаш ги избираше домашните готвени јадења што беа на дневното мени. Особено ги обожаваше домашните лепчиња и пројата“, открила Сандра.
Чолиќ честопати доаѓал во ресторанот со семејството, а понекогаш храната ја нарачувал телефонски и само навраќал да ја подигне.
Неговата љубов кон традиционалната кујна не завршувала со главното јадење. Како што раскажува готвачката, пејачот бил голем љубител и на старинските десерти.
„Немавме модерни колачи, туку вистинска мрзлива пита, кремпити какви што порано правеа нашите баби и пити со ореви. Сето тоа многу го сакаше“, изјавила таа.
Ова сведоштво уште еднаш ја потврдува репутацијата на Здравко Чолиќ како човек кој и покрај огромната популарност останал приземен, непосреден и верен на едноставните животни задоволства.
