Пејачот Дејан Ќирковиќ – Ќира беше сретнат на аеродромот во Белград, каде што отворено зборуваше за својот близок пријател Саша Поповиќ и за шоуто „Ѕвездите на Гранд“.
– Јас би се вратил од Загреб за Штутгарт, но дојдов овде, бидејќи таа сабота му беше шест месеци. Тежок е период. Пред некој ден имаше емисија за Салета и ја проплакав цела, верувај ми. После ја побарав Сузана и ја прашав дали гледала, ми рече дека гледала. Кога одиме на гробиште, таа постојано плаче. Човек мора да се помири со тоа, мора да се продолжи понатаму, но ништо потешко не ми паднало од тоа што го изгубивме Сале. Бевме убедени дека ќе се извлече, се повикувавме и на Баба Ванѓа, дури и тој. Сите се фаќавме за тоа, сè додека не се разболе. Со Сузана имаа планови – сакаа да уживаат, да патуваат… Тешко е и по шест месеци – изјави Ќира.
Ќира откри и дека чува дел од облеката на Поповиќ, која за него има посебно значење.
– Имам едни негови панталони што ми ги подари, ги носам. Бевме слична градба, сакаше таква гардероба, тоа му беше фетиш. Сега ми е особено драго што имам дел од него со себе.
Проговори и за „Ѕвездите на Гранд“ по заминувањето на Поповиќ.
– Многу направи, но искрено да ти кажам, сега тоа повеќе не е истото. Мислам дека Шљивиќ сега го води и имам доверба во него, верувам дека нема да пропадне, тоа е силен формат. Но, кога ќе изгубите водач во еден бенд, тоа повеќе не е истиот бенд. Сале беше клучната алка, сите го почитуваа. Откако се разболе, не гледам „Ѕвездите на Гранд“. Порано одев на снимања со него и се забавувавме – рече Ќира.
– Штом почина, веднаш почнаа да бараат други куќи. Што да ти кажам, нашиот народ за пари би продал сè, а да не кажам и што друго. Сигурно не е љубов во прашање, туку пари. Опстојуваат „Ѕвездите на Гранд“, тоа е силен бренд и верувам дека Шљивиќ ќе го води добро, а какви ќе бидат рејтинзите – тоа зависи од нив – изјави тој.
