Познато е дека принцот Вилијам (38) и војвотката Кејт Мидлтон (38) се една од најпопуларните кралски двојки. Кејт повеќето време убедливо седеше на тронот на анкетата каде што љубителите на британското кралско семејство гласаат кој им е најомилен, но сега тоа место му припадна на некој друг.
Анкетата била спроведена во јануари, март и октомври, а Британците рангирале кој член на кралското семејство колку им се допаѓа. Најмногу гласови добила кралицата Елизабета Втора (94).
Се верува дека новите резултати се последица на работата на семејството за време на карантинот, вклучително и обраќањето на кралицата на јавноста и благодарноста до сите вработени што се во првите редови на одбраната од пандемијата.
Според статистичките податоци, 83 отсто од луѓето имале позитивно мислење за кралицата, проследено со 80 отсто од принцот Вилијам, а трета била Кејт со 76 отсто. И сопругот на кралицата, принцот Филип (99), добил повеќе поени во октомври.
На листата се наоѓа и принцот Чарлс (71) со 58 отсто, а неговата сопруга Камила (73) има слаб резултат – само 44 отсто.
Пад на популарноста се случил и кај принцот Хари (36) и Меган Маркл (39). Во октомври лани, за Хари позитивно мислење имале 71 отсто од луѓето, а сега се намалило на 55 отсто. Меган со 55 отсто „паднала“ на 38 отсто во март, а сега само 33 отсто луѓе ја сакаат.
Најлошиот на списокот и очигледно најомразениот член на кралското семејство е принцот Ендру, кој исто така ја напушти должноста, по скандалот поради неговото пријателство со сексуалниот предатор Џефри Епштајн. Ендру го поддржуваат само 7 отсто од испитаниците.
На прашањето кој треба да ја наследи кралицата, принцот Вилијам добил најмногу гласови, по што следувал принцот Чарлс.
