Македонската пејачка Калиопи денеска го израдува својот поранешен сопруг и долгогодишен пријател Ромео Грил, кој слави роденден. Пејачката, која остана блиска со Грил и по разводот, му упати емотивна честитка преку Инстаграм, придружена со ретро фотографии и видео.
„Маестро Ромео, среќен роденден! Како вистински диригент на својата приказна, нека секој ден ти свири во најубав ритам – со хармонија на здравје, мелодија на среќа и акорди на љубов и успех. Продолжи да инспирираш и да создаваш моменти што се паметат“, напиша Калиопи.
View this post on Instagram
На видеото што го сподели се гледаат заеднички спомени од нивниот брак во oсумдесеттие, но и понови моменти од музички студија, промоции и пријателски средби.
Да потсетиме, Калиопи и Ромео Грил имаат заеднички син, Пако. По нивниот развод, пејачката се омажи со актерот Васил Зафирчев, а иако и тој брак заврши, таа често знае да каже дека со двајцата бивши сопрузи има извонредни односи и дека се дел од нејзиниот најблизок круг.
Оваа емотивна честитка уште еднаш ја потврди силната врска што Калиопи и Ромео ја задржале низ годините – од поранешни сопружници, преку уметнички соработници, до блиски пријатели.
