Српската пејачка Теа Таировиќ неодамна го посети музејот посветен на Тоше Проески, каде заплака, а потоа сподели и на социјалните мрежи. Ова ја изнервира нејзината колешка Јелена Карлеуша, која дрско ѝ одговори.
Карлеуша веднаш се огласи на мрежите и упати брутални зборови до својата колешка, иако таа не ја именуваше.
„Во последно време ништо не ми се гади како сликата на некои естрадни ѓубриња, кои го користат името на Тоше Проески и неговата спомен-куќа заради евтин маркетинг пред некаков настап во Македонија“, започна Јелена Карлеуша.
„Лажните солзи, евтината патетика на уште поевтините пејачи во злоупотребата на ликот и делата на покојниот Тоше ја заземаа најлошата нечовечка и нечесна форма. Да заработат слаба сума пари, сето тоа додека позирате пред камерите. Дното доби свој подрум. Сигурна сум дека Македонците ќе ги препознаат ваквите ѓубриња и ќе ги наградат со апсолутен бојкот“, напиша Карлеуша.
