Познатиот продуцент Роберт Билбилов заедно со Антониа Гиговска, инспирирани од вистинска животна приказна, создадоа ново музичко дело. Насловот на новата нумера на Антониа е „Аман“, а доаѓа како инспирација од една смс-порака која гласела:
„Мислев ти си ми таман, ама испадна аман“.
Токму оваа порака била доволна за продуцентот Билбилов ја направи оваа одлична композиција, а Антониа да ја пренесе таа емоција на публиката. Песната е веќе објавена на сите музички платформи.
„Аман се случи многу спонтано … Тоа е песна која зборува за однос кој веќе е скршен и никогаш повеќе не може да биде ист. Некогаш премногу очекуваме, па се разочаруваме. Пресреќна сум што ова е моја прва соработка со Роберт, а за мене веќе е успешна. Спотот кој го режираше маестралниот Даниел Јовески. Се надевам дека „Аман“ ќе допре до сите!“ – вели Антониа.
Напомнуваме, „Аман“ е првата песна од вториот студиски албум на Гиговска насловен „Жена“.
Инаку за новата песна уште пред повеќе од еден месец беше снимен и видеоспот во далечниот Египет, каде Антониа со својот тим од соработници отпатуваа на неколку дена, а како сето тоа изгледа во „пакет“, погледнете од видеото подолу:
