Популарниот фолк-пејач Радиша Трајковиќ – Ѓани, Први мај во време на пандемијата го дочека – во домашен притвор. Причина за тоа беше непочитување на тогашните епидемиолошки мерки.
Бидејќи излезе од дома кога беше забрането, доби казна во вид на куќен притвор. Така, наместо на сцена, празникот го мина затворен во својот дом, но со семејството. И покрај ситуацијата, Ѓани не ја изгуби смислата за хумор – дури и се пошегува на своја сметка.
– Претходно секогаш пеев за Први мај. Никогаш не сум бил дома. Мислам дека ова е првпат празникот да го славам со семејството… ама во затвор – изјави тогаш фолкерот.
Инаку, Ѓани неодамна преживеа сериозна несреќа на скијање во Италија, по што мораше да оди на операција во Словенија. Но, наскоро по интервенцијата, се врати на сцената како ништо да не се случило.
