Хрватската пејачка и писателка Нивес Целзиус повторно го сврте вниманието кон себе со нова серија провокативни фотографии, на кои, покрај веќе препознатливите заводливи пози, овојпат откри и тетоважа на многу интимен дел од телото.
На фотографиите што ги сподели на социјалните мрежи, Нивес позира во костим за капење, но погледите на публиката беа насочени кон местото под долниот дел од костимот, каде што ѕирка дел од тетоважа чие значење остана мистерија.
„Што пишува долу?“, „Се мачам веќе два часа да откријам што пишува“, „Помогни ни, Нивес“, „Ова досега не сме го виделе“, беа само дел од коментарите на збунетите, но љубопитни следбеници.
Нивес Целзиус, чие вистинско име е Нивес Зељковиќ, неодамна во интервју за хрватски медиуми откри дека има српско потекло. Иако зборува хрватски, како што вели, целото семејство ѝ живее во Србија, а кога е таму, преминува на српски без проблем.
„Па, добро, зборувам хрватски, иако по потекло сум Србинка, и целото мое семејство е во Србија. Кога ќе одам таму и останам подолго време, автоматски преминувам на српски“, изјави Нивес, додавајќи дека не знае како би реагирала јавноста ако на телевизија во соседството се појави водител што зборува српски, па токму затоа таа и натаму се изразува на хрватски.
Во јавноста е позната како Нивес Целзиус – уметничко име што сама си го одбрала, заменувајќи го своето презиме Зељковиќ. Како што објаснува, новото име асоцира на „пораст на температурата“ и совршено го опишува нејзиниот имиџ и стил на настапување.
„Целзиус? Самата се сетив. Им се допадна на другите. Надимакот стана симбол на температура, на мојата појава, на видот на настапи што ги одбирав. А и лесно се памтеше. Така настана Нивес Целзиус“, изјавила таа за Вечерњи лист.
