Весна Ѓогани повторно ја крена температурата на Инстаграм – овојпат со серија секси фотографии од летниот одмор. Облечена во костим за капење во пастелни тонови, познатата пејачка позираше на лежалка, а фановите веднаш ја преплавија со коментари како: „Ти си за модни списанија“, „Жешко ми е кога ќе те гледам“, „Брутално добра“, „Презгодна си“…
Со пуштена коса и големи очила за сонце со бел рам, Весна изгледаше самоуверено и енергично, покажувајќи дека и понатаму има линија за восхит. Под објавата напиша кратко: „Која?“ – ставајќи ги следбениците на мака да изберат која од фотографиите е најдобра.
Иако во минатото се борела со вишок килограми, Весна денеска изгледа подобро од кога било. Таа откри дека клучот за нејзината форма не е во строгите диети, туку во редовната физичка активност.
„Лани, од многу стрес, имав проблеми со килограмите и нешто на стомакот што не знаев како да го наречам. Но, постојано вежбав“, рече таа.
Весна објасни дека полека ги вовела тренинзите во своето секојдневие – прво два пати неделно, а потоа и три, со се поголем интензитет. Тренинзите, како што вели, ѝ станале стил на живот.
„Најважно е да се слуша телото. Не правев промени во исхраната, туку само се движев повеќе. Здравиот дух и активноста се пресудни“, порачува Весна.
