Македонската пејачка Тамара Тодевска му приреди голема роденденска забава на нејзиниот син Дарен, кој вчера наполни пет години.
Славеникот го прослави својот роденден во една скопска игротека, заедно со сестра му Хана и бројните другарчиња.
Како што може да се види на фотографиите, објавени на Инстаграм, прославата била тематска и сè било во духот на неговите омилени суперхерои – Спајдермен и Супермен. Исто така, и неговата торта била со Спајдермен.
Пејачката ја пренесе веселата атмосфера на својот инстаграм-профил, каде покажа како се забавуваат Дарен и неговите гости.
Да потсетиме, Тамара Тодевска и кошаркарот Александар Димитровски – Мачка стапија во брак во 2015 година, а минатата година ја објавија веста дека се разделуваат. Тие имаат две деца – седумгодишната Хана и петгодишниот Дарен.
