Гостувајќи во емисијата „Ами џи шоу“, популарниот пејач го покажа својот луксузен стан.
Имено, Лукас живее во белградската населба Вождовац во луксузен стан, односно како што тој вели – во пенхтаус, а како што се шпекулира во српските медиуми, за пентхаусот платил 500.000 евра.
Судејќи по мебелот, не се штедело ниту на опремување. Како што е познато, тој живеел во овој стан додека бил во брак со Соња, но по разводот се договориле тој да остане во овој луксуз.
На влезот од станот, од десна страна, се простира огромна дневна соба во која Лукас поминува најмногу време. Во еден дел се наоѓа бел клавир, и клавијатура. Бидејќи Аца е голем љубител на видео игри, не недостигаат ни џојстици. Главен акцент во дневната соба е на масата.
Секој детал очигледно е посебно избиран според вкусот на Лукас. Во дневната се наоѓа и огромен портрет на пејачот. Покрај портретот, Лукас има и спомени со своите деца, но и цртежи од својата наследничка Викторија. Во еден агол се сместени многубројните награди кои ги добил во текот на богатата кариера.
Во кујната се си има свое место, без премногу детали.
Во средината на собата на пејачот се наоѓа огромен кревет, а на полиците има различни детали како и спомени со најблиските.
Станот на пејачот неколку пати бил во центарот на интересот, почнувајќи од тоа како го купил, на чие име е регистриран, па до тоа дека извршителите му тропнале на врата. Аца никогаш не криел дека од Саша Поповиќ позајмил половина милион евра за да купи стан, а кога го подмирил долгот, недвижноста останала во сопственост на пејачот. Лукас наводно сосема го подмирил долгот кон Саша.
