Македонскиот музичар Драган Величковски – Тајзи и неговата сопруга Ангела станаа родители.
Двојката доби син, на кого му го даде името Захариј.
Убавата вест Тајзи ја сподели на социјалните мрежи, каде што објави фотографија од сопругата и новороденото синче и откри дека присуствувал на породувањето.
Во емотивната порака, музичарот напиша дека ова е најубавиот ден во нивните животи и ѝ оддаде признание на Ангела за силата што ја покажала при породувањето.
„Ова е најубавиот ден во нашите животи.
Среќата навистина се крие во малите нешта – во еден поглед, еден допир и едно мало срце што ни го промени целиот свет.Ти благодариме Боже, за најубавиот подарок што можевме да го добиеме.
Бев присутен на породувањето и сега знам зошто мајките се најсилните суштества на овој свет. Ангела, ти се восхитувам повеќе од кога било.
А тебе сине Захариј, ти ветуваме дека цел живот ќе бидеме твоето засолниште, твојата поддршка и твојот дом“, напиша Тајзи.
Тајзи и Ангела се венчаа во јули годинава, а околу пет месеци пред свадбата ја објавија и својата свршувачка.
