Македонската манекенка Светлана Црнокрак важи за една од најпрепознатливите дами на домашната модна сцена, а со своите модни изданија редовно покажува дека и на 50 години може да изгледа младолико и впечатливо.
Овојпат, Црнокрак привлече погледи како гостинка на свадбена прослава, за која избра долга златна креација со потпис на македонската дизајнерка Ива Спасовска.
View this post on Instagram
Фустанот со тесен крој ја истакна нејзината витка фигура, а ресите и златните детали му дадоа дополнителна доза гламур на свечениот стајлинг.
Целокупното издание го заокружи со минималистички златни сандали и впечатливи обетки, додека косата ја носеше пуштена во нежни бранови.
Светлана во февруари годинава го прослави 50. роденден. Таа и нејзиниот сопруг Мики Црнокрак со децении се присутни на македонската модна сцена и стојат зад модното студио „Црнокрак“.
