По заминувањето од музичкото натпреварување „Ѕвездите на Гранд“, поранешната снаа на Кеба, пејачката Софија Дачиќ, ги спакува куферите и ја напушти Србија. Таа деновиве се огласи од Дубаи, каде што ужива во луксуз и гламур.
Софија на социјалните мрежи сподели неколку фотографии од престојот во Дубаи, на кои позира совршено средена, со впечатлива шминка, елегантна комбинација и беспрекорна фризура.
Очигледно е дека промената на амбиентот ѝ годи, а нејзините објави предизвикаа бројни реакции и комплименти.
Потсетуваме, Софија неодамна првпат отворено проговори за врската со Игор Којиќ и откри како се запознале.
„Од нашиот развод поминаа два-три месеци. Се запознавме сосема случајно во град. Тој носеше капа и не го препознав. Тој ден бев на фризер, па очигледно се исплатеше – ми рече дека ми е убава фризурата. Така почна сè. Пред бракот кратко бевме заедно, родителите прво беа изненадени, но кога го запознаа Игор, не се противеа. Уште првиот ден им реков: ‘Ова е дечкото за кого ќе се омажам’. Имав чувство какво што не сум имала со никого и затоа не ми е жал, иако заврши како што заврши. Секогаш треба да се слуша срцето – можеби од нешто лошо ќе излезе нешто убаво“, изјави таа.
Софија тогаш додаде и дека разликата во годините не била проблем во нивниот однос, нагласувајќи дека карактерно биле многу слични и дека не сака да изнесува дополнителни детали од приватниот живот.
