Ќерката на пејачката Гоца Тржан и Иван Маринковиќ, Лена Маринковиќ, сè почесто привлекува внимание на социјалните мрежи со фотографии на кои гордо ја истакнува својата витка линија.
Летото го минала на море, а неодамна повторно објави фотографија во провокативна комбинација во чоколадна боја која совршено го истакнува нејзиниот тен и облините. Деколтето е смело отворено, а кусото фустанче ги нагласува долгите нозе.
Фотографијата предизвика бројни реакции на интернет, а ова не е првпат Лена да направи „хаос“ на мрежите. Пред извесно време објави слика во костим за капење и за првпат јавноста ја виде во толку смело издание, по што следеа десетици коментари и реакции.
Неодамна и самата Гоца Тржан зборуваше за првите години од мајчинството, откривајќи дека со ќерката постојано била присутна на јавни настани.
„Одев на промоции и на разни случувања и секогаш ја носев со мене. Знаев да се тргнам настрана, да ја подојам, па повторно да се вратам на настанот. Таа растеше како вистински номад, навикната на бучава и постојано патување“, изјави пејачката за WTF радио.
Тржан се присети и на времето кога Лена имала само месец и пол, а веќе патувале за Црна Гора, каде што таа настапувала.
„Ќе ја подојам, ќе ја пресоблечам, излегувам на бината, па повторно назад кај неа. Сакав и да работам, и да бидам мајка“, додаде таа.
