Топ моделката Роузи Хантингтон-Вајтли објави дека има трудничко стомаче на својот Инстаграм профил. Ова е нејзина втора бременост, односно таа очекува второ дете од нејзиното момче, актерот Џејсон Статам.
Роузи Хантингтон-Вајтли повторно се подготвува да стане мајка: 34-годишната манекенка минатиот четврток, 19 август, објави на Инстаграм дека е бремена со своето второ дете со нејзиното момче Џејсон Статам, објавувајќи и серија фотографии на нејзиниот профил, која завршува со нејзина фотка во тесен бел фустан што јасно го покажува нејзиниот испакнат стомак.
Објавата брзо собра повеќе од 500.000 лајкови и многу коментари од обожавателите и многу пријатели како Попи Делевињ, Елса Хоск, Џордан Дан…кои ѝ изразија срдечни честитки.
Роузи Хантингтон-Вајтли и Џејсон Статам веќе се родители на 4-годишниот Џек Оскар.
Моделката призна (во декември 2019 година) дека мора да ослабе откако го роди синчето. За време на бременоста со Џек се здебелила околу 25 килограми: „Накачив значителна тежина“, ѝ рече таа на „плус сајз“ моделката Ешли Греам во епизода од подкастот за „заоблени“ манекенка „Pretty Big Deal“.
Роузи призна дека губењето на тежината не е толку лесно како што мислела, и покрај многуте вежби во фитнес салата.
