Неочекуван гостин се појави во четвртокот на плоштадот Свети Петар во Ватикан, каде што илјадници луѓе со нетрпение го чекаа објавувањето на новиот поглавар на Католичката црква, папата Лав XIV. Меѓу присутните, скромно и без помпа, стоеше и светски познатата музичка ѕвезда Хари Стајлс.
Трикратниот добитник на музичката награда Греми, кој има 31 година, беше облечен неформално – со сива капа со натпис „Techno is my boyfriend“, црни очила за сонце и син капут. Без телохранители и без гламур, Стајлс беше уште еден верник кој посакал да биде дел од историскиот момент – изборот на првиот американски папа во историјата на Ватикан.
Harry Styles spotted in Rome for the new Pope announcement. pic.twitter.com/LqERgA7FNL
— Pop Crave (@PopCrave) May 8, 2025
Стајлс, кој се смета за една од најголемите поп-икони на денешницата, се појави сосема ненаметливо, но неговото присуство не остана незабележано. Социјалните мрежи брзо се преполнија со фотографии и коментари.
„Хари Стајлс денес тука, утре на маратон во Јапонија, задутре на Греми… Овој човек е секаде!“, напиша еден корисник на платформата Икс.
Друг пак се пошегува: „Новиот папа уште првиот ден на работа го сретна Хари Стајлс. Ова му ветува возбудлив понтификат!“
Само неколку недели претходно, Стајлс учествуваше на маратон во Токио, каде што ја заврши трката за помалку од четири часа, поминувајќи ја целта пред над 20.000 учесници.
