Ќерката на легендарната пејачка Силвана Арменулиќ, Гордана Гога Арменулиќ, со емотивна објава на социјалните мрежи разбуди спомени и предизвика носталгија кај бројни обожаватели. Таа на својот профил на „Фејсбук“ сподели стари фотографии со мајка ѝ, на кои се гледа блискоста и љубовта што ги поврзувала.
Силвана, која трагично го загуби животот во сообраќајна несреќа на 10 октомври 1976 година, била посветена и грижлива мајка. Гордана, која во моментот на трагедијата имала само 12 години, откри дека мајка ѝ ја носела секаде каде што можела и дека биле неразделни. И денес, речиси половина век подоцна, таа со љубов и тага се сеќава на својата мајка, а нејзината прерана смрт сè уште тешко ја прифаќа.
Многумина кои ја познаваат Гордана велат дека ја наследила убавината од Силвана, а според нив, од мајка ѝ го добила и талентот за пеење.
