Босанската пејачка Џејла Рамовиќ дипломираше на приватното бизнис училиште „EU Business School“ во Барселона.
Рамовиќ објави неколку Инстаграм стории од церемонијата на дипломирање, а поддршка во тој момент ѝ даде и хрватскиот инфлуенсер Марко Вулетиќ.
Покрај Марко, на церемонијата пристигнаа и семејството на пејачката и други пријатели: родителите Едита и Синан Рамовиќ, сестрите Шејла и Лејла со нивните ќерки, шурата Един Шеко, колегите од бендот, клавијатуристот Ишак и басистот Керим, како и музичарот Бојан Цвјетиќанин, за кого се шпекулира дека ѝ е ново момче.
Инфлуенсерот напиша во објавата на своите фотографии со Рамовиќ: „Таа успеа“.
Џејла се запиша на колеџ во Барселона во октомври 2021 година. Во една прилика, таа откри дека образованието е на прво место за неа.
