По големиот успех на македонскиот филм „Медена земја“ и филмот „Врба“ на режисерот Милчо Манчевски ќе биде во трката за престижната филмска награда „Оскар“.
Филмот „Врба“ ќе биде нашиот кандидат за „Оскар“ во категоријата за најдобар долгометражен интернационален филм за 2021 година, соопштија од Друштвото на филмските работници на Македонија (ДФРМ).
Други филмови кои биле предложени за оваа кандидатура се:
„Ефектот на среќата“ во режија на Борјан Зафировски
„Исчезнатиот“ на Арбен Тачи
„Кеиф“ на Блаже Дулев
„Незо“ во режија на Мерита Чочоли.
Но комисијата се одлучила за филмот на Манчевски. Во соопштението до јавноста стои дека филмот „Врба“ е прифатен и одобрен од Американската академија за подвижни слики, уметност и наука.
За жал, поради глобалната пандемија на коронавирус, 93-тата церемонија за доделување на Оскарите ќе се одржи на 25 април 2021 година во Лос Анџелес, Америка.
Преземено од Слободен печат
