Српската пејачка Едита Арадиновиќ повторно ги растажи своите следбеници со емотивна објава на Инстаграм, посветена на нејзиниот покоен брат Семир.
Таа сподели снимка од небото, додека во позадина се слуша песната „Бели облак“ во изведба на нејзината сестра Инди. Нумерата, која има особено значење за семејството Арадиновиќ, е посветена токму на Семир, кој починал пред 13 години.
„Оваа песна ја направија Кнез и Марина Туцаковиќ во 2010–2011 година, а благодарение на мојата сестра, стана една од нејзините најубави балади, токму затоа што носи сеќавање на нашиот брат“, напиша Едита во описот на објавата.
Семир боледувал од Даунов синдром, а Едита имала само 11 години кога тој починал. Спомените од него сè уште силно живеат во неа, иако сестра ѝ Инди има појасни сеќавања.
„Брат ни беше две години постар од мене. Имаше 21 година кога почина. Не можеше да оди, да јаде, ниту знаеше што е реалност. Беше како растение. Но, го сакавме неизмерно. Понекогаш беше ведар, понекогаш тежок и бурен, бараше внимание. Знаеше да не препознае – мајка, татко, сестра и мене. Тоа беа најтешките години во мојот живот, но и најмоите. За него бев подготвена на сè“ изјавила Инди во едно интервју.
Пејачката споделила и една од ретките фотографии со својот брат, снимена во 2005 година, напишувајќи: „Да не грешев толку, никогаш немаше да бидам ова што сум денес. Брат и сестра. Спомени“.
