Бритни Спирс открива дека морала да помине многу советувања пред да се почувствува подготвена да се справи со пишувањето на своите мемоари.
Некогашната поп-принцеза (41) во вторникот на својот „Инстаграм“ ја откри илустрацијата на долгоочекуваната автобиографија, што ќе биде објавена на 24 октомври, откако „Галери букс“ (дел на издавачката куќа „Сајмон и Шустер“) – ја купи книгата среде жестока војна на наддавање меѓу неколку издавачки куќи.
Таа сега вели дека книгата „Жената во мене“, која на корицата ја прикажува Бритни топлес од помлади денови, е резултат на многу терапија.
Бритни им порача на фановите: „Мојата книга излегува набргу. Се потрудив за оваа книга, поминав многу терапија за да ја завршам, па драги мои, добро би било да ви се допадне. А ако не ви се допаѓа, и тоа е во ред“, напиша Бритни.
Таа откри во април 2022 година дека пишува книга, која доаѓа по успешното укинување на контроверзното старателство на татко ѝ Џејми Спирс, кој цели 13 години контролира голем дел од нејзиниот живот и финансиите.
Во ноември 2021 година Бритни ја врати контролата врз својот живот, како и својот имот од 60 милиони долари.
