Игор Којиќ и неговата 15 години помлада сопруга Софија неодамна и официјално се разведоа, откако потпишаа документи и спогодбено го завршија бракот по само пет месеци. По разводот, Софија ужива со полни гради, а сега на Инстаграм објави фотографии и најави своето враќање.
Прво позираше во автомобил, испрати бакнеж и напиша кратко: „Леси се врати“. Потоа направи селфи пред огледало облечена во црни панталони и црн прслук, со ремен околу половината што уште повеќе ја истакнуваше нејзината линија.
Игор и Софија во последните два месеци поради честите недоразбирања имаа многу несогласувања и затоа решија секој да тргне по свој пат. Како што се наведува, иницијатор била Софија.
– На почетокот сè меѓу нив изгледаше бајковито, како вистинска љубов на прв поглед. Софија беше толку заљубена во Игор што без двоумење прифати да се мажи за него по кратко забавување. А Игор… Тој беше толку опседнат со Софија што беше подготвен сè да ѝ подреди и животот да го промени од корен. Се венчаа во јануари на општо изненадување на нивните семејства и првите месеци живееја идилично, што можевме да го забележиме и по нивните објави на социјалните мрежи. Софија често поминуваше време и со родителите на Игор, редовно го објавуваше Кеба на својот профил, а нему му готвеше омилени јадења – рекол извор.
Пејачот Драган Којиќ – Кеба наводно од медиум дознал дека неговиот син се разведува. – Кеба од медиумите дознал дека синот му се разведува. Игор дури и не го известил за тоа – тврди извор за „Република“.
– Односите беа затегнати поради снаата. Пет месеци не воспостави никаков контакт со Оља и Кеба. Се однесуваше бахато и повеќепати тешко ги навреди. Покрај тоа, викендите ги минуваше до сабајле со другари, како да не е во брак. Игор извесно време се обидуваше да го спаси бракот, но на крај и самиот сфати дека таа врска нема иднина – заклучува изворот.
