Познатиот хрватски новинар и водител на емисијата „Недељом у 2“, Александар Станковиќ, сподели на социјалните мрежи потресна фотографија од тешката повреда на раката поради која морал итно да биде опериран.
Имено, Станковиќ објави снимка од својата искривена рака, откривајќи дека повредата се случила пред три месеци, како и дека во меѓувреме успешно го поминал процесот на закрепнување.
– Вака изгледаше пред 3 месеци, а денес сè е во ред. Ја скршив раката (прва фотографија) и ме оперираа во Општата болница во Сисак на чело со д-р Абел Балашко. Раката заздрави и им благодарам што ја извршија својата работа професионално и со љубов – напишал Станковиќ во објавата.
Заедно со пораката за благодарност до лекарите, водителот покажал и фотографии од болницата, како и моментите по операцијата, кога започнал со рехабилитација.
Неговите следбеници веднаш се огласија во коментарите и му посакаа брзо и целосно закрепнување.
„Ова изгледа многу болно, ужасна повреда е“, „Држи се Ацо“, „Нема ни да прашам колку болело“, се дел од коментарите.
Да потсетиме, Станковиќ е еден од најпознатите телевизиски новинари во регионот, а емисијата „Недељом у 2“ со години се смета за еден од најгледаните формати за политичко интервју во Хрватска.
