Украинската тиктокерка Андријана Кулчицка испушта крик на Инстаграм, отворено осудувајќи ги акциите на Путин и тековната војна во Украина.
Никој не може да остане рамнодушен на ова што се случува во Украина, но секако украинскиот народ е тој што во моментов најмногу страда од континуираното бомбардирање под водтство на претседателот на Руската Федерација Владимир Путин.
По емотивните реакции на актерката Ана Сафрончик и спортистката Анастасија Кузмина; на Инстаграм се огласи и пополарната украинска тиктокерка Андријана Кулчицка.
23 годишната Украинка Андријана Кулчицка се прослави на Тик Ток (добро позната социјална мрежа особено меѓу помладите), кога во екот на ковид-пандемијата почна да објавува видео рецепти.
Меѓутоа, во последните неколку часа, Андријана Кулчицка на својот Инстаграм профил се изјасни против Путин и тековната војна во нејзината земја: „Киев по кој чекорев стана урнатини. Моите пријатели веќе трет ден се во бункери и се плашат да заспијат во очекување од нови напади“.
Тиктокерката отворено прозборе и за нејзините лични стравови за членовите на нејзиното семејство кои избрале да останат во својата татковина наместо да побегнат:
„Моето семејство одбива да избега од Украина и да ги напушти своите домови и својата земја. Тие претпочитаат да умрат таму“.
Понатаму, таа продолжува: „Момчињата со кои студирав, ја бранат својата слобода, распоредени на најстрашните места, на кои руските војници безмилосно испукаа проектили. Имаат 20 години. Доста е, ве молам, доста!“ – завршува таа во објавата.
