Ема Гуди е задолжена да ги уредува фотографиите и вестите на профилите на социјалните мрежи, кои ги има кралицата Елизабета Втора. За оваа своја работа, Ема зема плата од 65.000 евра и важи за личност која ги знае сите кралски тајни и тоа до најмал детаљ.
Наводно, таа точно знае зошто Хари и Меган заминаа во САД, дали Кејт навистина толку многу ја сака кралицата, како и што јадат и каде се наоѓаат во даден момент членовите на кралското семејство.
Кралицата во декември минатата година почна да бара соодветна личност која ќе ги уредува нејзините профили на социјалните мрежи. Таа на огласот за работа понудила плата од 65.000 евра, на личноста што ќе сака да биде одговорна за „одржувањето на угледот“ на кралското семејство.
Иако не е познато колку луѓе се пријавиле за да работат, одлуката на кралицата била оваа не толку едноставна работа да ѝ припадне на Ема Гуди.
Нејзината работа не се состои само од тоа да објавува официјални кралски соопштенија и фотографии од кралицата кога таа се појавува на официјални настани или на хуманитарни балови. Нејзината работа, всушност, е да раководи со цел тим што е задолжен и се разбира многу добро платен за да се грижи за имиџот на најпознатата жена на светот.
Инаку, Ема има 33 дена одмор во текот на целата година, вклучувајќи ги и празниците. Иако многумина мислат дека нејзината работа е лесна, сепак тоа ниту оддалеку не е така. Кралицата Елизабета, на годишно ниво во просек одржува по 340 состаноци, а приближно по толку одржува и секој друг член на кралското семејство.
Исто така, секојдневието на кралицата, дури и кога нема договорени состаноци е комплетно исполнето, бидејќи таа секој ден одговара на околу 300 писма. Таа официјалните писма ги пишува со црна боја, а приватните пораки ги праќа пишувани со зелено мастило.
Се претпоставува дека кралицата Елизабета донела одлука да вработи човек како Ема, веднаш откако Хари и Меган и официјално објавија дека го напуштаат Лондон.
