„Chalet Bear“ е прекрасно, луксузно скијачко одморалиште, сместено во Клостерс, во Швајцарија…
Станува збор за луксузна ложа која можете да ја изнајмите, која го заслужила своето место – една од најдобрите скијачки колиби во Швајцарија, од гласовите на луѓето од целиот свет. Се наоѓа на мало брдо, ви нуди сензационален поглед и се наоѓа на само пет минути одалеченост од жичарата и центарот на местото. Како една од последните државни ложи во Клостерс, во 2006 година целосно е редизајнирана.
Има четири спални соби и четири бањи, па ви нуди доволно место за шест лица. Приватниот готвач и домар ќе се погрижат за сите ваши потреби, така што вие слободно можете да се опуштите покрај каминот и пријатниот оган по сјајниот ден на снегот. Оваа ложа се најде на насловните страни на голем број магазини кои се занимаваат со ентериер и дизајн, бидејќи нуди луксузни модерни стандарди и бескомпромисен комфор.
Ви нуди удобни простории за седење, спални соби со луксузни постелнини и три камини, од кои еден е во спалната соба. Исто така таа има и прекрасен балкон и тераса со поглед на природното опкружување, која кога е прекриена со снег делува како предел од бајките и го одзема здивот.
