„Giraffe Manor“ е ексклузивен хотел во Најроби, а го нарекуваат и „најинстаграмски објект на светот“.
Се работи за зграда која датира од 1932 година, наликува на мал дворец и е една од најатрактивните градби во таа земја.
Овој хотел со 12 соби ширум светот е познат поради многу блискиот контакт на гостите со жирафите, кои дури знаат да ги туркаат главите низ огромните прозорци кога гостите ручаат и да јадат заедно со нив.
Многумина коментираат дека имале чувство како да влегле во сценографија од филм.
Сопствениците на хотелот во соработка со властите ја започнале програмата Rothschild за да го зголемат бројот на жирафите.
Хотелот прво имал три жирафи по име Том, Дик и Хари, а ја вдомиле и женката Дејзи.
Набрзо им се придружило и бебето жирафа кого го нарекле Марлон, според глумецот марлон Брандо.
