Хакерска група блиска до Кремљ денеска изврши напад на веб-страницата на Европскиот парламент, само неколку часа откако пратениците ја осудија војната во Украина, изјави портпаролот на парламентот, Џомс Дучес-Жило.
Европскиот парламент денеска усвои Резолуција, со која Русија е државен спонзор на тероризмот и се наведува дека воените напади врз цивилните цели се „кршење на меѓународното право“, пренесе „Ројтерс“.
Нападот се случи само неколку часа откако пратениците ја осудија војната во Украина.
Претходно Европскиот парламент ја прогласи Русија за „државен спонзор на тероризмот“ поради „бруталните и нехумани“ дејствија нанесени врз Украина и нејзините граѓани од почетокот на инвазијата, пренесе Еуроњуз.
„Намерните напади и злосторства извршени од страна на Руската фдерација врз цивилното население на Украина, уништувањето на цивилната инфраструктура и другите сериозни прекршувања на човековите права и меѓународното хуманитарно право претставуваат акти на терор врз украинското население и претставуваат воени злосторства“. – изјавија европратениците во необврзувачка, но многу симболична резолуција.
