Рускиот претседател Владимир Путин во едночасовен трелефонски разговор со германскиот канцелар Олаф Шолц рекол дека насоката на Германија и Западот кон Украина е „деструктивна“, соопшти Кремљ.
Германската влада потврди дека двајцата лидери разговарале. Шолц го повикал Путин да најде дипломатско решение за војната, „вклучувајќи го и повлекувањето на руските трупи“.
Путин побарал од Берлин да го преиспита својот пристап кон конфликтот што започна во февруари.
„Пренатрпувањето на Украина со оружје е деструктивна политика“, рекол рускиот лидер во разговор со Шолц.
Тој додаде дека истото може да се каже и за фактот дека западните земји, вклучително и Германија, обучуваат украински војници.
Тој нагласил дека на Русија треба да и се дозволи да учествува во истрагите за „терористичките“ напади на гасоводите „Северен тек“ под Балтичкото Море.
