Независната кандидатка поддржана од левичарските партии, Наташа Пирц Мусар, победи во вториот круг на претседателските избори во Словенија.
Наташа Пирц Мусар се очекува да стапи на должност на 23 декември. Досегашниот претседател Борут Пахор помина два мандати како шеф на државата.
Пребројани се 95,5 отсто од гласачките ливчиња – Пирц Мусар освои 54 проценти, а нејзиниот противкандидат Анже Логар од партијата на поранешниот премиер Јанез Јанша, 46 проценти.
Анже Логар веднаш ѝ честита на Пирц Мусар на победата.
Честитка испрати и премиерот Роберт Голоб во која нагласи:
„Ви честитам на изборот кој е доказ дека граѓаните и граѓанките на Словенија сакаат да живеат во држава во која се почитуваат темелите на демократијата: човековите права, владеењето на правото, независните медиуми, слободата и дијалогот“.
„Тоа е тоа. Сега храбро и смело. Со среќа!“, и честитаат на Фејсбук граѓаните на новата претседателка.
