Состојки:
– 5 чаши брашно
– 2 јајца
– 1 чаша шеќер
– 1 чаша мед
– 1 чаша масло
– 1 ванилин шеќер
– 2 лажички сода-бикарбона
– прстофат сол
За ројал преливот:
– 3 големи белки
– 1 лажица екстракт од ванила
– 500 г прав шеќер
Подготовка:
Чашата со која мерите состојки нека е иста. Ако земете чаша за млеко или голем филџан за кафе, со едно од нив мерете ги сите состојки.
Во поголем сад ставете го прво медот со содата и изматете. Во друг помал сад изматете ги јајцата со шеќерот и ванилиниот шеќер. Оваа смеса додајте ја во садот со мед и измешајте. Потоа додавајте го маслото и матете со миксер на најниска брзина.
Откако ќе завршите со маслото, почнете да го додавате брашното полека, додека матите со маталки за тесто. Кога ќе биде тестото готово, ставете го на работна површина. Со сукало расукајте кора дебела 5 мм. Земете калапи за божиќни колачи и исечете форми.
Редете ги во плех обложен со хартија за печење и печете ги во рерна загреана на 180 степени, додека поруменат. Оладените колачи декорирајте ги со ројал преливот кој се приготвува од матени белки со прав шеќер и ванила екстракт.
По желба можете во преливот да ставите прехранбени бои и да ги шарате колачите.
