Принцот Вилијам две години по ред е прогласен за најсекси ќелав маж на светот. Новото истражување на маркетиншката агенција „Рибут“ го стави принцот од Велс, пред конкурентите како Двејн Џонсон – Карпата, Стенли Тучи, Тиери Анри и Вин Дизел, пренесува „Дејли мејл“.
Истражувањето ги рангираше некои од најпознатите ќелави мажи во светот врз основа на различни фактори, вклучувајќи го сјајот на ќелавите глави, златниот пресек на нивните лица, висината и насмевката, а Вилијам доби речиси совршена оценка, односно 9.9 од 10.
Исто така, пребарувањата на Гугл во комбинација со терминот „секси“ се користеа како параметар, при што неодамнешните појавувања на Вилијам во Јужна Африка за иницијативата „Ертшот“ веројатно предизвикаа пораст на пребарувањата на обожавателите за него.
Инаку, ова не е првпат принцот Вилијам да се најде на врвот листата за најсекси ќелав маж во светот. Тој исто така заврши на првото место во 2021 година. Една година подоцна беше на второто место, а минатата година ја врати титулата.
