Сара Мејс покрај тоа што пее и свири харфа, покажа и дека ја бива и за екстремните спортови, поточно за сноубордингот.
Пејачката честопати споделува видеа од зимувањето на Копаоник каде деновиве ужива со семејството во зимските лудории.
Дека нејзините деца, Кирил и Илина кои ги има од бракот со водителот Димитар Атанасовски, веќе бордаат не е нешто непознато, но дека Сара е вистински експерт на борд, можеше да се забележи од видеото кое го објави на својот инстаграм-профил.
„Кога љубовта е вистинска, времето не е важно“, напиша пејачката под објавата на која се гледа дека условите не се важни ако љубовта кон екстремните спортови е голема.
