Богдан Илиќ, попознат како српскиот јутјубер Бака Прасе, на својот канал на Јутјуб објави песна со српскиот рапер Војаж. Песната „VVS“ за само три дена собра повеќе од 2,5 милиони прегледи, а спотот е снимен на островот Паг. Сепак, она што најмногу привлече внимание е нивниот дует, бидејќи претходно Бака Прасе и раперот биле скарани.
Михајло Веруовиќ, попознат по неговото уметничко име Војаж, почна да се занимава со музика во 2015 година, а популарноста ја стекна четири години откако објави песна со неговата тогашна девојка Бресквица, чие вистинско име е Анѓела Игњатовиќ.
Двојката гостуваше во шоуто „Ами џи“ во 2020 година, а нивниот настап не му се допадна на славниот Јутјубер. Недолго по шоуто, Јутјуберот ја сними песната „Blamage“ во која јавно го осуди раперот.
Нивното „ривалство“ траеше четири години, а раперот никогаш јавно не ги „врати“ навредите на Бака Прасе. Сепак, се чини дека ги решија сите несогласувања и влегоа во соработка.
