Дизајнерката повторно стана вирална на социјалните мрежи, откако се појавија нови видеа од Монако, каде што живее во последно време.
Харис Џиновиќ и неговата долгогодишна сопруга, Мелина Галиќ, се разведоа минатата година на изненадување на сите по 12 години брак. Секој продолжи со својот живот, фолк пејачот се посвети на децата и пеењето, а извесно време немаше ниту трага ниту глас од Мелина.
Сепак, пред неколку месеци, на Инстаграм, поточно на страницата што се занимава со луксузниот живот во Монако, беа објавени снимки на кои, ниту помалку ниту повеќе, се наоѓа Мелина.
Сега се појави уште едно, ново видео во кое дизајнерката може да се види во гламурозно издание – Мелина носела елегантен фустан во боја на керамида и светки од нејзината колекција, додека за додатоци избрала чевли со потпис на Кристијан Лубутен во вредност од 1.000 евра и чанта „Шанел“ во вредност од 3.000 евра.
View this post on Instagram
Откако сама пристигнала во прескапото бентли од 150.000 евра, таа ги дала клучевите на лицето задолжено за возилата на гостите, а потоа се упатила кон хотелот каде што се одржувал балот, што можат да си го дозволат само оние со најдлабок џеб. Станува збор за прослава на која се собрале милионери од целиот свет, а билетите за овој настан чинеле и до неверојатни 10.000 евра.
Инаку, по разводот, Харис истакна дека помирувањето со Мелина никогаш нема да се случи.
– Помирувањето со Мелина никогаш нема да се случи. Не ме прашувајте ништо за неа, ниту за бизнисмени, ниту каде е, ниту што прави, не ме интересира. Какво пријателство по бракот, спиеш со некого, јадеш и утре си непријател, тоа никогаш не постои – рекол Харис за српски „Курир“.
