Хана Хуљиќ Грашо објави нова детска песна наречена Велигденска песна (Алелуја). Текстот на песната го напиша нејзината мајка Вјекослава Хуљиќ, а песната ја пеат Хана, нејзиниот сопруг Петар Грашо и нивната ќерка Алба.
„Велигденската песна“ беше објавена на официјалниот јутјуб профил на Хана посветена на детските песни. „Јас сум на мама и тато чудо, не им треба друго“, е еден од стиховите.
Хана претходно објасни дека на проектот за детска песна почнала да работи токму поради нејзината ќерка Алба.
“Имам бебе кое поради некоја причина почна да пее кога имаше осум месеци, што е навистина чудно. Кога почна да пее некои песни кои јас ги пуштав за да ја заспијам, не ми беше сеедно што таа пее туѓи песни, а не мои, и тогаш решив да ѝ пеам мои приспивни песни”, рекла Хана, додавајќи дека Алба била „хипнотизирана“ од песните.
„Велигденската песна“ не е првата песна во која се слуша гласот на Алба. Хана со својата ќерка ги сними и песните „Палачинке“ и „Мали рак“.
За потсетување, Алба е прво дете на Хана Хуљиќ и нејзиниот сопруг Петар Грашо. Таа е родена во јули 2022 година. На крајот на октомври минатата година, парот доби син, кого го нарекоа Тони. Хана и Петар се венчаа во февруари 2022 година во црквата Свети Доминик во Сплит, а на венчавката присуствуваа најблиските пријатели и семејството.
