Како што самиот признава, таа вечер му останала длабоко врежана во неговото сеќавање, бидејќи освен публиката што го поддржувала, покрај него бил и неговиот син, кој му давал неверојатна сила.
Пејачот Семир Крантиќ, познат на публиката по учеството во српското музичко натпреварување „Ѕвездите на Гранд“, неодамна бил подложен на операција на тумор, а сега доживеа емотивен момент – неговиот прв настап по закрепнувањето. За среќа, операцијата била успешна.
– Во саботата ја имав првата тезга по операцијата на туморот… Тоа беше посебен момент за мене. Сè помина подобро отколку што можев да посакам – напишал Семир во објава на Фејсбук, нагласувајќи дека фактот што неговиот син беше цело време со него му дал дополнителна сила.
Пејачот споделил и дека атмосферата била исполнета со музика, луѓе и силни емоции, но дека она што најмногу го трогнало е присуството на неговото дете, чија поддршка значи толку многу.
– Музика, луѓе, емоции. Но, она што најмногу ме допре беше детето кое беше со мене цела ноќ, како да ја чувствуваше мојата енергија и не се одвојуваше. Ваквите моменти нè потсетуваат дека вреди да се бориме и да одиме напред. Не се откажуваме, дури сега се движиме уште посилно – напишал Семир, заклучувајќи дека токму неговото семејство и љубовта на најблиските му даваат сила да продолжи да оди низ животот со уште поголема волја и вера.
Неговата објава предизвика голем број реакции и поддршка на социјалните мрежи, а многу обожаватели му посакаа добро здравје и успех во неговата понатамошна кариера.
