Николина Пишек последниве месеци напорно работеше за да ја опреми својата луксузна вила во Загреб во населбата Шестине, која целосно ја реновира.
Хрватската водителка на својот инстаграм-профил редовно објавуваше како се одвива работата, а покажа и како изгледа внатрешноста на куќата која на пазарот на недвижности во Хрватска се проценува на 1.700.000 евра. Како што можете да видите на Инстаграм, таа ја украсила вилата по своја замисла, а забележливо е дека на ѕидовите има големи слики, меѓу другото има и портрет на Јосип Броз Тито.
Претходно, таа снимила и бања во која има розов тоалет, но и голем кристален лустер тежок дури 300 килограми, во просторот што ги поврзува кујната, трпезаријата и дневната соба.
Како што пренесуваат медиумите, Николина решила целосно да ја опреми вилата, а потоа и да ја изнајми. Нејзината куќа е наведена на позната хрватска веб-страница за недвижности, а може да се изнајми за дури 8.000 евра месечно.
На таа веб-страница пишува дека вилата е со површина од 400 метри квадратни и се наоѓа на парцела од 1.530 метри квадратни. Куќата е одлично опремена, па има и подно греење, сите соби се климатизирани, има алуминиумска надворешна столарија и термо-вентилаторна фасада.
Така, во приземјето на вилата има влезен хол, гостинска соба со бања, пространа дневна соба, кујна со трпезарија, тераса и базен, градина, перална и соба за послуга со посебен влез.
На првиот кат има и главна спална соба со гардеробер, бања и пристап до тераса, но и голем детски стан, кој може да се подели на две спални соби и бања.
Паметната вила нуди прекрасен поглед на зеленилото, на исклучително мирна локација, во близина на училиште, градинка и јавен превоз. Исто така, вреди да се напомене дека се наоѓа на значително растојание од главниот пат, што овозможува целосна приватност. Има и голем надворешен базен и тераса.
Вилата на Николина, која ја купила со нејзиниот покоен сопруг Видоје Ристовиќ, се издава за период од најмалку една година, а дозволени се и домашни миленици.
